Maki 21. sept. 1889 Guðmundur Ólafsson f. 10. júní 1863, d. 29. okt 1954. Bændur að Ási Hegranesi 1891-1938, Jóhanna ólst upp hjá foreldrum sínum til 16 ára aldurs er hún missti móður sína, en fór 18 ára til föðurfrænda síns Jóns prófasts Hallssonar að Glaumbæ og dvaldi með honum, þar til hún fór að nema hannyrðir og hússtörf hjá Sigurlaugu Gunnarsdóttur að Ási, sem síðar varð tengdamóðir hennar, og kynntist þá Guðmundi. Þau hjón voru samhent í risnu og heill heimilisins, Jóhanna starfaði einnig að félagsmálum kvenna í sveit sinni, hún var lág vexti, vel vaxin, fríð sýnum, með mikið jarpt hár, gráeygð. Þau eignuðust 8 börn og 6 komust upp.

                                      [Skagf æviskrár 1890-1910 I. bindi bls 95]

   Ás í Hegranesi er í alkirkjutali 1461 með prestskyldu. Stóð húsið uppi með girðingum samkvæmt Jarðabók 1713 en tíðir ekki veittar í manna minni en síðast var grafið í garðinn 1823.  Merki kirkjugarðsleifa sáust enn norðvestan við gamla torfbæinn 1974 og 1938 þegar þar stóðu skemmur sást þar votta fyrir hringlaga garðleif.